Hoobiyayaal caawa fiidkii lagu weeraray Ciidamada Itoobiyaanka ee fadhigoodu yahay Buurto Jentokundishe ee Gobalka Hiiraan:
Tue.Jul.15,2008.
Beledweyne: Iyadoo ay beryahaanba jireen dadaalo lagu doonayay in lagu hakiyo dagaal magaalada Beledweyne gudeheeda ku dhexmara Ciidamada Cadowga iyo Ciidamada Maxkamadaha ee iyagu gudaha magaalada ku sugnaa ayaa waxaa caawa fiidkii dhowr hoobiye lagu tuuray halka ay Ciidamada Itoobiyaanku deggan yihiin.
Inkastoo aan la ogayn qasaaraha Ciidamada Itoobiyaanka weerarkaasi ka soo gaaray ayaa haddana waxaa jira warar sheegaya in illaa iyo lix hoobiye ay ku dheceen kuna qarxeen goobtii lala damacsanaa waxayna dadka sheegeen in ay arakayeen qiiq madow oo cirka isku shareeray qaraxa kagadaal dhanka kale waxaa jiray in Itoobiyaankuna ay madaafiic ku jawaabeen waloow aan illaa iyo hadda la ogayn in ay dad rayid ah wax gaarsiiyeen iyo in kale.
Weerarkana caawa lagu qaaday halka Ciidamada cadawgu deggan yihiin ayaa noqonaya kii labaad oo noocaan ah muddo todobaad gudohood ah lagu qaado fariisimada ay Ciidamada cadawgu ku leeyihiin jentokundishe.
Weerarkaan caawa lagu qaaday fariisimada Ciidamada Itoobiyaanka ayaa ku soo beegmaya xilli ay Xaagagii Maxkamadaha ee iyagu beryahaanba magaalada Beledweyne gacanta ku hayay isaga bexeen xarumihii ay magaalada ka deganaayeen kagadaal markii ay wada hadleen iyaga iyo odayaasha dhaqanka kadibna ay isku afgarteen in ay magaalada isaga baxaan si loo baajiyo dagaal ka dhaca gudaha magaalada.
Dhanka kale waxaa jirtay in oday dhaqameedyadu ay sidoo kale kulamo la qaateen saraakiisha waddanka ku soo duulay ee iyagu ku sugan buurta Jentokundishe kuwaasoo si jeesjees ah odayaasha ugu sheegay in ay madfac ku dhufanayaan gaarigii isku daya in uu bartooda kontarol dhinac maro.
Axmed Musse Mahad
Buurweyn.net
Beledweyne
axmedcaato10@hotmail.com
AUDIO LINKS
Ku xayeysiiso Ganacsigaaga Buurweyn.net waxa hubaal ah in aad ku qanci doontid